ترەمپ: ئەگەر حەماس واز لە کوشتن نەهێنێت، دەچینە غەززە و دەیانکوژین

ئاڤا نیوز

دۆناڵد ترەمپ، سەرۆکی ئەمریکا، هەڕەشە لە حەماس دەکات و دەڵێت: دەبێت واز لە کوشتن بهێنن.

وێنە گەورەکە: دوای ڕێککەوتنی ئاگربەستی نێوان ئیسرائیل و حەماس و کشانەوەی ڕێژەیی ئیسرائیل لە کەرتی غەززە، حەماس کۆنترۆڵی کەرتەکەی گرتووەتەوە دەست. حەماس ڕووبەڕووی چەند گرووپێک دەبێتەوە کە پێی وایە ئەوانە سەر بە ئیسرائیلن. هەروەها چەندین کەسی بە تۆمەتی سیخوڕیکردن بۆ ئیسرائیل کوشتووە.

زانیاریی زیاتر: ترەمپ دەڵێت: دەبێت حەماس واز لەو کوشتنانە بهێنێت ئەگەر نا ئەوا دەچنە غەززە و چەکدارانی حەماس دەکوژن.

دەقی نووسینەکەی ترەمپ لە تۆڕی کۆمەڵایەتیی ترووس سۆشیاڵ:

"ئەگەر حەماس بەردەوام بێت لە کوشتنی خەڵک لە غەززە، کە ڕێککەوتنەکە ئەوە نەبووە، ئەوا هیچ بژاردەیەکمان نابێت جگە لەوەی بچینە ئەوێ و بیانکوژین. سوپاس بۆ سەرنجدانتان بۆ ئەم بابەتە."