كورسییه‌ خۆڕاییه‌كانی ئاڤا بۆ قوتابییان تا دێت زیاتر ده‌بن

ئاڤا نیوز

بۆ پشتیوانیکردنی خوێندکارانی کەمدەرامەت و کەسوکاری شەهیدان، کارگێڕی قوتابخانەی ئاڵای کوردستانی بنەڕەتی ناحکومی، ئامادەییان دەربڕیوە بۆ دابینکردنی سێ کورسی بەخۆڕایی و  50٪ داشکان لە 27 کورسی تر.

چیرۆکی سەرەکی: گرووپی میدیایی ئاڤا دەستپێشخەرییەکی بۆ قوتابیانی کەمدەرامەت و کەسوکاری شەهیدان و زیندانیانی سیاسی بۆ بەدەستهێنانی کورسی خۆڕایی و داشکاندن لە خوێندن لە زانکۆ و پەیمانگە و قوتابخانە و باخچەی ساوایانەوە ڕاگەیاندووە، تا ئێستا 120 کورسی دابینکراوە و ئارەزوومەندان دەتوانن لەڕێگەی لینکی خوێندن بەخۆڕایی لە ئاڤا داواکاری پێشکەش بکەن.

 

لێدوانی فەرمی: کارگێڕی قوتابخانەی ئاڵای کوردستانی بنەڕەتی ناحکومی لە ڕێگەی "ئاڤا میدیا"وە ڕایگەیاند: ئەم دیارییە پێشکەشە بە قوتابییانی کەمدەرامەت و کەسوکاری پلە یەکی شەهیدان، تاوەکو بتوانن بە ئاستێکی بەرز خوێند تەواو بکەن و خزمەت بە کۆمەڵگە بکەن. 

زانیاریی زیاتر: دابەشکردنی ئەو 27 کورسییە بەمشێوەیە دەبێت؛- 9 کورسی پۆلی حەوتەم، 9 کورسی پۆلی هەشتەم، 9 کورسی پۆلی نۆیەم بۆ ساڵی خوێندنی 2025 - 2026.