بەریتانیا پێشوازی لە ڕێککەوتنی سەرۆکوەزیران بارزانی و سوودانی دەکات

ئاڤا نیوز

 

کونسوڵخانەی بەریتانیا لە هەولێر پێشوازی لە ڕێککەوتنی سەرۆکوەزیران بارزانی و محەممەد شیاع سوودانی، سەرۆکوەزیرانی عێراق دەکات لەبارەی چارەسەرکردنی کێشەی مووچە.

وێنە گەورەکە: دوێنێ چوارشەممە 3-4-2024، سەرۆکوەزیران بارزانی لەبارەی پرسی مووچە ڕێککەوتنی لەگەڵ سوودانی ڕاگەیاند.

لێدوانی فەرمی: کونسوڵخانەی بەریتانیا لە هەولێر بە ماڵپەری زە نیو ڕیجن، ڕاگەیاند: "ئێمە پێشوازی لە ڕاگەیاندنی ئەو چارەسەرە دەکەین کە بە هۆیەوە دەتوانرێت مووچەی مانگی ئادار بدرێت، ئەوە هاندەرە بۆ بینینی بەرەوپێشچوون لە چارەسەرکردنی کێشە درێژخایەنەکان، سوودی دیالۆگی بەردەوامی نێوان هەرێمی کوردستان و بەغدا نیشان دەدات".

زانیاریی زیاتر: ئێمە داوا لە هەردوو لایەن دەکەین بەردەوام بن لە دیالۆگ و هەماهەنگی بۆ دۆزینەوەی چارەسەری بەردەوام بۆ کێشەی پێدانی مووچە و ئالنگارییەکانی دیکە. باڵیۆزخانەی بەریتانیا وا دەڵێت.

ڕێککەوتنەکە بەم شێوەیەیە: سەرۆکوەزیران بارزانی و محەممەد شیاع سوودانی، سەرۆکوەزیرانی عێراق ڕێککەوتوون کێشەی مووچە بەیەکجاری چارەسەر بکرێت و مانگانە لە وادەی خۆیدا تەواوی پارەکە بنێردرێت و دابەش بکرێت.