سوپای ئیسرائیل داوا دەکات شەڕ لە غەززە دەستپێنەکاتەوە

ئاڤا نیوز

سوپای ئیسرائیل پێشنیاز دەکات حکومەت خۆی لە دووبارە هەڵگیرساندنەوەی جەنگی غەززە بەدوور بگرێت و  گوشار بخرێتە سەر حەماس تا تەرمی هەموو بارمتەکان بگەڕێنێتەوە.

زانیاریی بەدەستهاتوو: بە گوێرەی دەزگای ڕاگەیاندنی ئیسرائیلی، سوپا و دامەزراوە ئەمنییەکانی ئیسرائیل لە نامەیەکدا پێشنیازیان کردووە بۆ دروستکردنی گوشار لەسەر حەماس بیر لە دووبارە هەڵگیرساندنەوەی جەنگ نەکرێتەوە و لە بری ئەوە ڕێگای دیکە بگیرێنە بەر.

زانیاریی زیاتر: ئیسرائیل دەڵێت پێویستە گوشار بخرێتە سەر حەماس تا تەرمی هەموو بارمتەکان بگەڕێنێتەوە و لە قۆناغی دووەمی ئاگربەستیشدا چەک دابنێت.

لەلایەکی دیکەوە: حەماس ڕایگەیاندووە سەرجەم ئەو تەرمانەی کە لە بەردەستیدا بوون ڕادەستی کردوون و  گەڕان بە دوای ئەوانی دیکەشدا کە بوون بە ژێر داروپەردووی باڵەخانە ڕووخاوەکانەوە بەردەوامە.