بانكێكی عێراقی دەیەوێت بێتە ناو پڕۆژەی هەژماری من

ئاڤا نیوز

بەڕێوەبەری گشتی بانکە بازرگانییەکان ئاشکرایکرد، بانکی بازرگانی عێراق (TBI) داواکاری پێشکەش کردووە کە ئەویش بێتە ناو پڕۆژەی هەژماری من.

 

لێدوانی فەرمی: مەولود سابیر، بەڕێوەبەری گشتیی بانکە بازرگانییەکان بە ئاڤا نیوزی گوت: "بانکی TBI بەشێوەیەکی فەرمی داوایکردووە لەنێو پڕۆژەی هەژماری من بەشدار بێت."

زانیاریی زیاتر: دڵنیایی دەدەین کە هەژماری من پێشکەوتووترین پرۆژەیە بۆ بە دیجیتاڵکردنی مووچەی فەرمانبەرانی هەرێمی کوردستان و هیچ مەترسیەکی لەسەر نییە ، چونکە ئەو پرۆژەیە بە ڕەزامەندی بانکی ناوەندی ئەنجام دەدرێت و هەموو ڕێنمایی و ڕێکارە یاساییەکانی لەلایەن حکومەتی هەرێمی کوردستان گیراوەتەبەر.

ئەوەی پێویستە بیزانیت: تا ئێستا پێنج بانک کە لەلایەن بانکی ناوەندییەوە دانپێدانراون، لە پڕۆژەی هەژماری من بەشدارن، بڕیارە تا کۆتایی ئەمساڵ هەزار ئامێری ATM لە سەرجەم پارێزگا، قەزا و ناحیەکانی کوردستان جێگیر بکرێت.

بۆچی گرنگە: هەژماری من هەرزانترین کرێی پێشکەشکردنی خزمەتگوزاری بانکیی لەسەر ئاستی عێراق هەیە، تەنیا دوو هەزار و 500 دیناری عێراقی لە هەژمارەکە وەردەگرێت.