ئیسرائیل 15 تەرمی دیکە ڕادەستی حەماس دەکاتەوە

ئاڤا نیوز

لە چوارچێوەی ئاگربەستی غەززە، ئاڵوگۆڕی تەرمی بارمتە و دیلەکان لە نێوان حەماس و ئیسرائیل بەردەوامە. ئەمڕۆ ئیسرائیل تەرمی 15 دیلی ڕادەستی حەماس کردەوە.

ڕاگەیێنراوی فەرمی: وەزارەتی تەندروستی غەززە ڕایگەیاند، ئیسرائیل ڕۆژی یەکشەممە، 19-10-2025، تەرمی 15 فەڵەستینی بۆ غەززە گەڕاندەوە و بەمەش کۆی ژمارەی تەرمە ڕادەستکراوەکان گەیشتە 150 تەرم.

زانیاریی زیاتر: بەپێی ڕێککەوتنی ئاگربەستی نێوانیان کە لە سەر بنەمای پلانی ئاشتیی دۆناڵد ترەمپ، سەرۆکی ئەمریکا کراوە، لە بەرامبەر هەر تەرمێک کە حەماس ڕادەستی دەکات، ئیسرائیل 15 تەرم ڕادەست دەکاتەوە.

لەلایەکی دیکەوە: حەماس لە دۆزینەوە و ڕادەستکردنەوەی تەرمی بارمتە ئیسرائیلییەکان بەردەوامە.