حەلبووسی: هێرشەكانی ئێران و گوشاری بەغدا پەیوەستن بەیەكەوە

ئاڤا نیوز

سەرۆکی پێشووی پەرلەمانی عێراق ڕایگەیاند، هێرشەکانی ئێران بۆ سەر هەولێر و گوشارە دارایی و یاساییەکانی حکومەتی عێراق پەیوەستن بەیەکەوە.

لێدوانی فەرمی: محەممەد حەلبووسی، سەرۆکی پێشووی پەرلەمانی عێراق ڕایگەیاند: ساڵێک زیاترە، کورد، بەتایبەتیش پارتی ڕووبەڕووی کۆمەڵێک بڕیاری یەک لە دوای یەک دەبێتەوە لەلایەن حکومەتی ناوەندەوە، ئەمانە هەمووی بە بەرنامەیە و ڕێکەوت نییە، لەسەر کۆمەڵێک بابەت کەڵەکە بووەو ئێستا ڕوودەدات.

زانیاریی زیاتر: بەشێکی پەیوەستە بە دۆخی هەرێمییەوە، ناکرێت ئێران بۆردوومانی هەولێر بکات و لە ناوەندیشەوە بڕیار لە دژی هەرێمی کوردستان دەربکرێت، ئەمە بەرنامە بۆ داڕێژراوە و پەیوەستن بەیەکەوە. سەرۆکی پەرلەمانی عێراق وای گوت.

لە لایەکی دیکەوە: سەبارەت بە دوورخستنەوەی لە پۆستی سەرۆکی پەرلەمان حەلبووسی گوتی: لایەنە سوننەکان منیان دوورنەخستەوە، بەڵکو ئێران  و باڵەکانی لە عێراق لەپشت بڕیاری دوورخستنەوەم بوون.