ئەمڕۆ 38 ساڵ بەسەر کۆچی دوایی تایەر تۆفیق  تێدەپەڕێت

ئاڤا نیوز

تایەر تۆفیق هونەرمەندی ناسراو و دیاری شاری کۆیە و شارەکەی شارەکەی حاجی قادر، ئەمڕۆ 38 ساڵ تێدەپەڕێت بەسەر کۆچی دوایدا. 

وێنە گەورەکە: ئەم هونەرمەندە ناسراوەی شاری کۆیە، هاوشێوەی زۆرێک لە هونەرمەندەکانی دیکە، لە حوجرەوە دەستیپێکردووە و هەر لەوێشەوە فێری ئەلف و بێی کوردی بووە، لە تەمەنی 14 ساڵییەوە بەهرەی گۆرانی گوتنی تێدا دەرکەوتووە. 

زانیاریی زیاتر: یەکێک لە تایبەتمەندییەکانی ئەو هونەرمەندە ئەوە بوو کە شیعری شاعیرانی وەکوو؛ حاجی قادری کۆیی و وەفایی و چەند شاعیرێکی دیکەی کردووە بە گۆرانی.

ئەمەش بزانە: ئەم هونەرمەندە سەرەڕای ئەوەی لەبواری گۆرانی گوتن خزمەتی کردووە، هاوکات شەش نامیلەکە و پەرتووکی بڵاوکراوەشی هەیە، دیارترین بەرهەمەکانی ئەو هونەرمەندە ئەوەیە؛ ' شلێرە وای شلێرە ، نەسرین ئەوڕۆ نەورۆزە ، کراس زەردی ' و چەند بەرهەمێکی دیکە.

باکگراوند: ئەو کەڵە هونەرمەندە کوردە دواجار لە  20ی تشرینی دووەم لە تەمەنی 65 ساڵیدا كۆچی دوایی کرد و هەر لە شاری کۆیەش بەخاک سپێردرا.