ئەمساڵ لە دهۆکەوە زیاتر لە هەزار و 400 تۆن سماق و برنج هەناردەی تورکیا کراوە

ئاڤا نیوز

لە ماوەی 10 مانگی ڕابردوودا هەزار و 408 تۆن برنج و سماقی بەرهەمی سنوورەکە لە دهۆکەوە هەناردەی تورکیا کراوە.

وێنە گەورەکە: سرووشتی تەواوی ناوچە جیاوازەکانی هەرێمی کوردستان، بە پیت و لەبارە بۆ کەرتی کشتوکاڵ، بەمەش چەندین بەرهەمی بەتەمام و ناوازە بەرهەم دەهێنرێن و دەخرێنە بازاڕەوە، بەشێکیان لە ناوخۆ و خوارووی عێراق دەفرۆشرێن، بەشێکیشیان ڕەوانەی دەرەوەی وڵات دەکرێن، بەرهەمەکان لە هەنار، هەنجیر، سماق، برنج و چەند بەرهەمێکی دیکە پێکدێن. 

لێدوانی فەرمی: ئەحمەد جەمیل، بەڕێوەبەری گشتیی کشتوکاڵی دهۆک بە ئاڤای ڕاگەیاند: لە سەرەتای ئەمساڵەوە تاوەکو ڕۆژی سێشەممە 21-10-2025، نزیکەی هەزار و 410 تۆن بەرهەمی خۆماڵی لەڕێگەی بەشی پاراستنی ڕووەک لە بەڕێوەبەرایەتیی گشتیی کشتوکاڵی پارێزگای دهۆک ڕەوانەی وڵاتی تورکیا کراوە.

ژمارەکان وادەڵێن: بەگوێرەی ئەو ئامارەی کشتوکاڵی دهۆک بە ئاڤای داوە، بەرهەمە هەناردەکراوەکان بەمجۆرەن:

هەزار و 337 تۆن سماق.

71 تۆن برنج.

هەزار و 250 کیلۆگرام فستەقی تەڕ.

150 کیلۆگرام هەنجیری وشک.

250 کیلۆگرام مێوژ.