ترەمپ: هاوپەیمانەکانمان داوا دەکەن ڕێگەیان پێبدەم حەماس لەناوببەن

ئاڤا نیوز

دۆناڵد ترەمپ، سەرۆکی ئەمریکا، ڕەخنەی لە هەڵسوکەوتەکانی حەماس گرت و بە پێشێلکردنی ڕێککەوتن تۆمەتباری کرد. ترەمپ ڕایگەیاند، ئەگەر پێویست بکات هاوپەیمانەکانی ئەمریکا لەسەر داوای ئەو دەچنە غەززە.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، زۆرێک لە هاوپەیمانەکانی ئەمریکا لە ڕۆژهەڵاتی ناوەڕاست و دەوروبەری پێشوازییان لەو دەرفەتە کردووە کە لەسەر داوای من بچنە ناو غەززە و حەماس ڕاستبکەنەوە، بەڵام پێم وتوون هێشتا ئەوە پێویست نییە.

 

زانیاریی زیاتر: لە بەشێکی دیکەی قسەکانیدا ترەمپ گوتی، "بە ئیسرائیل و ئەو وڵاتانەم وتووە هێشتا هیوایەک هەیە کە حەماس کاری دروست بکات. ئەگەر نەیانکرد، ئەوا کۆتایی حەماس خێرا و سەخت دەبێت".