لە نێو 189 وڵاتدا عێراق لەڕووی گەشەی ئابووريیەوە ڕیزبەندی 121ـی گرتووە

ئاڤا دیجیتاڵ

بۆ ساڵی 2024 عێراق لەڕووی گەشەی ساڵانەی ئابوورییەوە، لەسەر ئاستی جیهان لە پلەی 121 دێت و لەسەر ئاستی وڵاتانی عەرەبیش پلەی 12ـی گرتووە.

چیرۆكە سەرەكییەكە: گۆڤاری سی وۆرلد لە ڕاپۆرتێکدا ئاماژە بەوە دەکات، گەشەی ئابووری جیهان لە ساڵی 2024دا بۆ 2.4% خاو دەبێتەوە، لەکاتێکدا لە ساڵی 2023 گەشەکەی 2.6% بووە.

بەپێی پۆلێنکردنی گۆڤارەکە، لە کۆی 189 وڵاتدا، عێراق لە ریزبەندی 121 دێت لەڕووی گەشەی ئابووری پێشبینیکراو بۆ ساڵی 2024، بەرهەمی گشتیی ناوخۆی زیاتر لە 297 ملیار دۆلارە.

ئەوەی پێویستە بیزانیت: لە ساڵی 2024دا سویسرا، نەرویج و ئایسلەندا لە پێشەنگی لیستی گەشەی ئابووریدان و وەک باشترینەکانی وڵاتان دانراون.

 لەلایەكی دیكەوە: لە جیهانی عەرەبیدا، ئیمارات پلەی یەکەمی بەدەستهێناوە، بەحرەین،   سعوودیە، قەتەر، عومان، جەزائیر، میسر، تونس، ئوردن، فەڵەستین، لوبنان، پاشان عێراق پلەی دوازدەیەمە لە ڕیزبەندی وڵاتانی عەرەبی بۆ گەشی ئابووری.