پارتی مەرجی خۆی بۆ پێکهێنانی حکومەتی داهاتووی عێراق ئاشکرا دەکات

ئاڤا نیوز

یاریدەدەری بەشی هەڵبژاردنی پارتی دیموکراتی کوردستان دەڵێت، "مەرجمان بۆ پێکهێنانی کابینەی نوێی حکومەتی عێراق هەیە، هەر لایەنێکی عێراقی ڕێزی لە دروشمی هاوبەشی، هاوسەنگی و سازان گرت، ئەو کاتە درگامان بۆ گفتوگۆ کراوە دەبێت".

 

چیرۆکی سەرەکی؛ لەچوارچێوەی بانگەشەی هەڵبژاردن بۆ پەرلەمانی عێراق، پارتی دیموکراتی کوردستان لە زۆرینەی شارەکان کەرنەڤاڵی گەورەی جەماوەری ساز دەکات کە بڕیارە لە 11ـی 11ـی ئەمساڵ بەڕێوەبچێت.

 

لێدوانی فەرمی: لیزا فەلەکەدین کاکەیی، ئەندامی کۆمیتەی ناوەندی و یاریدەدەری بەشی هەڵبژاردنی پارتی دیموکراتی کوردستان، لەمیانی بەشداریکردنی لە هەواڵەکانی کاتژمێر 09:00ی ئاڤا ڕایگەیاند: سەرەڕای ئەوەی دەنگەکانمان لەم هەڵبژاردنە زیاد دەکات، بەڵام تێبینیمان لەسەر یاسای هەڵبژاردن هەیە، ئەم یاسایە بەتایبەت بۆ هەرێمی کوردستان باش نییە و ڕەنگە کاریگەری لەسەر هەندێک ناوچە هەبێت".

 

لەلایەکی دیکەوە: یاریدەدەری بەشی هەڵبژاردنی پارتی مەرجی حیزبەکەی بۆ پێکهێنانی حکومەتی داهاتووی عێراق ئاشکرا دەکات و دەڵێت، "هەر لایەنێکی عێراقی ڕێزی لە دروشمی هاوبەشی و هاوسەنگی و سازان گرت، ئەو کاتە درگامان بۆ گفتوگۆ کراوە دەبێت".

 

لیزا فەلەکەیدن کاکەکی دەشڵێت، "وەکو پێشتر پارتی متمانەی بەلایەنە عێراقییەکان نییە، بەڵکو بە ڕوئیای نوێ بەشداری لە حکومەتی نوێی عێراق دەکات.