ئۆپێک: لە ساڵی 2050 خواست لەسەر نەوت دەگاتە 123 ملیۆن بەرمیل لە ڕۆژێکدا

ئاڤا نیوز

ئەمینداری گشتی ڕێکخراوی ئۆپیک، پێشبینی دەکات تا ساڵی 2050، خواست لەسەر نەوت لە جیهاندا بگاتە 123 ملیۆن بەرمیل لە ڕۆژێکدا و دەڵێت" نەوت وەک سەرچاوەی سەرەکی وزە دەمێنێتەوە و نزیکەی 30%ـی کۆی گشتیی وزە پێکدەهێنێت".

لێدوانی فەرمی: هەیسەم غەیس، ئەمینداری گشتی ڕێکخراوی ئۆپیک، لە کۆنفرانسێکدا لە کوێت، ڕایگەیاند: لەگەڵ زیادبوونی 23% لە خواستی جیهانی بۆ وزە، ئۆپێک پێشبینی دەکات خواست لەسەر هەموو جۆرەکانی سووتەمەنی تا ساڵی 2050 بەرزبێتەوە و خواست لەسەر نەوت دەگاتە 123 ملیۆن بەرمیل لە ڕۆژێکدا.

هۆكاره‌ زانراوه‌كان: ئەمینداری گشتی ڕێکخراوی ئۆپیک، هۆکارەکانی ئەم زیادبوونەی گەڕاندەوە بۆ گەشەی ژمارەی دانیشتووان، فراوانبوونی ئابووری و سەرهەڵدانی پیشەسازیی نوێی کە بڕێکی زۆر وزە بەکاردەهێنن.

ژماره‌كان وا ده‌ڵین: بە بڕوای ئەمینداری گشتی ڕێکخراوی ئۆپیک،  کەرتی نەوت تا ساڵی 2050، پێویستی بە نزیکەی 18.2 تریلیۆن دۆلار وەبەرهێنان دەبێت .

ئەمەش بزانە: خواستی ئێستای نەوت لە بازاڕەکانی جیهاندا دەگاتە زیاتر لە 43.1 ملیۆن بەرمیل نەوت لە ڕۆژێکدا.