لە هەولێر گەورەترین بنکەی بووژانەوەی جەستەیی قوربانیانی مین کراوەتەوە

ئاڤا نیوز

 

لە هەولێر گەورەترین بنکەی بووژانەوەی جەستە لەسەرانسەری عێراق هەیە، ڕۆژانە خزمەتگوزارییەکان پێشکەشی هاووڵاتییان دەکرێن.

لێدوانی فەرمی: ئەڤین یاسین، گوتەبێژی کۆمیتەی نەتەوەیی خاچی سوور لە هەرێمی کوردستان بۆ ئاڤا نیوز گوتی: لە ساڵی 1996 ەوە بنکەی بووژانەوەی جەستەییمان لە هەرێمی کوردستان هەیە بەتایبەت لقی هەولێر کە سەر بە کۆمیتەی نێونەتەوەیی خاچی سوورە.

ئەوەی پێویستە بیزانیت: لە پارێزگای هەولێر لە ساڵی 2021  بنکەیەکی دیکە بۆ بووژانەوەی جەستەیی قوربانیانی مین کراوەتەوە، بە گەورەترین بنکە لەسەر ئاستی عێراق هەژمار دەکرێت.

ژمارەکان وادەڵێن: بەگوێرەی دوایین ئامار زیاتر لە شەش هەزار کەس سەردانی بنکەی بووژانەوەی جەستەییان کردووە و خزمەتگوزاریی پێشکەشکراوە؛ کە لە 60%ی ئەو کەسانەبوون کە بەرکەوتەی مین بوون.

باکگراوند: لەماوەی 32 ساڵی ڕابردوودا تاوەکو ئێستا 13 هەزار و 580 هاووڵاتی لە هەرێمی كوردستان بەهۆی مینەوە بوونەتە قوربانی.