سەرۆکوەزیران بارزانی: هێشتا هەڕەشە لەسەر خەڵکی کوردستان ماوە

ئاڤا نیوز

سەرۆکوەزیران بارزانی، لە ساڵیادی دەرچوونی بڕیاری 688ـی ئەنجوومەنی ئاسایش پەیامێكی بڵاوكردەوە و ڕایگەیاند " هەڕەشە لەسەر خەڵکی کوردستان ماوە و پێویستمان بەدڵنیایی كۆمەڵگەی نێودەوڵەتییە".

ڕاگەیێنراوی فەرمی: ئەمڕۆ  33 ساڵ بەسەر دەرچوونی بڕیاری 688 ی ئەنجومەنی ئاسایشی سەر بە نەتەوە یەکگرتووەکان تێدەپەڕێت کە لە 1991/4/5 لە ئەنجامی هێرش و پەلاماری دڕندانەی ڕژێمی پێشووی عێراق بۆ سەر کۆڕەوی ملیۆنی خەڵکی کوردستان بەرەو سنوورەکان هاتە ئاراوە. 

زانیاريی زیاتر: لەپەیامەكەی سەرۆکوەزیران بارزانیدا هاتووە: ئەم بڕیار گرنگ و مێژووییەی ئەنجومەنی ئاسایش، بووە بنەمایەک بۆ دانانی ناوچەی دژە فڕین و لە ئەنجامدا سنوورێکی بۆ هێرش و زوڵم و ستەمکارییەکانی رژێمی بەعس دانا و کوردستانی لە جینۆسایدێکی دیکە پاراست و کۆمەڵگەی نێودەوڵەتی بە هانای گەلی کوردستانەوە هات و دواتریش هەڵبژاردنی پەرلەمانی ئەنجام درا و حکومەتی هەرێمی کوردستان پێکهات. 

وێنە گەورەكە: سەرۆکوەزیران بارزانی دووپاتی دەکاتەوە هێشتا مەترسی و هەڕەشە لە سەر خەڵکی کوردستان و ماف و دەسکەوتەکانی هەیە، پێویستە کۆمەڵگەی نێودەوڵەتیی هەڵوێستی جددی لە پاراستنی خەڵکی کوردستان و داکۆکیکردن لە مافە ڕەواکانیدا هەبێت و دڵنیایی بدات کە خەڵکی کوردستان پارێزراو دەبێت و جارێکی دیکە ڕووبەڕووی شاڵاوەکانی جینۆساید و پێشێلکردنی مافەکانی نابێتەوە.