پێنج هەزار پارچە زەوی دیکە بەسەر فەرمانبەرانی هەولێر دابەش دەکرێت

ئاڤا نیوز

 

ناوەڕاستی ئەم هەفتەیە قۆناغی سێیەمی دابەشکردنی زەوی بەسەر فەرمانبەرانی مەدەنی و سەربازی شاری هەولێر دەستپێدەکات، کە نزیکەی پێنج هەزار زەوی ئامادە کراوە.

 

وێنە گەورەکە: دابەشکردنی زەوی بەسەر فەرمانبەرانی مەدەنی و سەربازی بەردەوامە، تائێستا دوو بە قۆناغ زەوی بەسەر فەرمانبەرانی مەدەنی و سەربازی دابەشکراوە، بڕیارە ناوەڕاستی ئەم هەفتەیە قۆناغی سێیەم دەستپێبکات، ڕێکارەکانی تەواو کراوە و زەوی ئامادە کراوە.

 

لێدوانی فەرمی: کارزان عەبدوڵهادی سەرۆکی شارەوانیی هەولێر بە ئاڤا میدیای ڕاگەیاند، کارەکانی قۆناغی سێیەمی دابەشکردنی زەوی بەسەر فەرمانبەرانی مەدەنی و سەربازیی شاری هەولێر تەواو کراوە، بڕیارە ناوەڕاستی ئەم هەفتە تیروپشکی زەوییان بۆ  ئەنجام بدرێت، زەوییەکانیش دەکەونە ناوچەی سەر ڕێگای هەولێر- دهۆک، ناوچەی بەرحوشتر و چەژنیکان.

 

زانیاریی زیاتر: ئەم قۆناغە ئەو فەرمانبەرانە دەگرێتەوە کە کارتی زانیارییان هەولێرە، فەرمانبەرانی مەدەنی و سەربازییش دەکرێتەوە، پڕۆسەکە بەردەوام دەبێت  تا هەموو فەرمانبەرانی شایستە زەوی وەردەگرن.

 

ئەوەی پێویستە بیزانیت: لە قۆناغەکانی یەکەم و دوومەدا 17 هەزار پارچە زەوی بەسەر فەرمانبەراندا دابەش کراوە، لەم قۆناغەشدا پێنج هەزار زەوی دیکە دابەش دەکرێت.