پرۆسەی قەرەبووکردنەوەی خاوەن زەوییەکانی پڕۆژەی پشتێنەی سەوزایی هەولێر دەستپێدەکات

ئاڤا نیوز

 ڕێککارەکانی قەربەبووکردنەوەی ئەو کەسانەی زەوی و دامەزراوەکانیان بەر پڕۆژەی پشتێنەی سەوزایی دەکەون دەستپێکدەکات، 60%ـی کارەکانی زۆنی یەکەم تەواوبووە.

چیرۆکی سەرەکی: لە جێبەجێکردنی پڕۆژەی پشتێنەی سەوزایی هەولێر، بەشێک لە زەوی و دامەزراوەی هاونیشتمانیان کەوتنە بەر پڕۆژەکە، دوای خەمڵاندنی بەڕێوەبەرایەتیی گشتیی کشتوکاڵی هەولێر، نزیکەی هەشت ملیار دینار تەرخاندەرکرێت بۆ ئەو کەسانەی دامەزراوەیان بەرکەوتووە و ئەوانەشی زەویان بەرکەوتووە دواتر قەربوو دەکرێنەوە.

لێدوانی فەرمی: هێمن سەید موراد، بەڕێوەبەری گشتیی کشتوکاڵی هەولێر بە ئاڤای گوت، "لە ئەمڕۆوە نووسراوی قەرەبووکردەنەوە بۆ ئەو کەسانە دەکەین کە دامەزراوەکانیان بەر پڕۆژەکە کەوتووە، لەچەند ڕۆژی ئایندە چەکی بانکیان پێبدرێت و لە بانکەکان پارەکانیان وەردەگرن."

زانیاریی زیاتر: ئەوانەی زەوییەکانیان دەکەوێتە بەر پشتێنەی سەوزایی بۆ هەموویان 464 پارچە زەوی 250 مەتریی ئامادەکراوە و لەنزیکترین شوێن پێیان دەدرێت.

گۆشەیەکی دیکەی دیمەنەکە: پشتێنەی سەوزایی هەولێر لە هەشت زۆن پێکدێت، ئێستا زۆنی یەکەم لە 12 هەزار و 600 دۆنم پێکهاتووە و کاری تێدا دەکرێت 60%ـی کارەکانی تەواوبووە.