دوو گومانلێکراو بە تۆمەتی تاڵانییەکەی مۆزەخانەی لوڤەر دەستگیرکران

ئاڤا نیوز

ڕۆژنامەی لۆ پاریسیەنی فەرەنسی بڵاویکردەوە، یەکێک لە تۆمەتبارانی دزییەکەی مۆزەخانەی لۆڤەر لە فڕۆکەخانەی چارڵز دوگۆڵ لە پایتەختی فەرەنسا نزیکەی کاتژمێر 10ـی شەوی شەممە دەستگیرکراوە کاتێک هەوڵیداوە فەرەنسا بەجێبهێڵێت. هەروەها  تۆمەتباری دووەمیش لە گەڕەکی سێن-سەینت-دێنیز لە باکووری پاریس دەستگیرکراوە.

وێنە گەورەکە: لە سەرانسەری جیهاندا دزییەکەی مۆزەخانەی لوڤەر بوو بە مانشێتی هەواڵەکان و مشتومڕێکی  زۆری لە سەر دروستبوو، کە تێدا هەشت پارچە خشڵی کۆکراوەی تاجی فەرەنسی لە مۆزەخانەکە لە ڕۆژی یەکشەممەی ڕابردوو دزرا.

بڵاوکراوەی فەرمی: ڕۆژنامەی لۆ پاریسیەن ڕایگەیاند، ئەو دوو کەسەر دەستگیرکراون، پێشتر پێشینەی تاوانیان هەبوو، وا دەردەکەوێت تاوانباری شارەزا بن و لەوانەیە بە فەرمانی کەسانی دیکەوە کاریان کردبێت.

ڕاپۆرتێکی سەرەتایی ئاشکرایکردووە کە لە سێ ژووردا، یەک ژووری ئەو ناوچەیەی مۆزەخانەکە کە تاڵان کراوە، کامێرای چاودێریی تێدا نەبووە.

ئەوەی پێویستە بیزانیت: تاوانەکە لەلایەن گرووپێکی چوار کەسییەوە ئەنجامدرا، کە بە بەرزکەرەوەیەکی میکانیکییەوە هاتبوون بۆ ئەوەی لە ڕێگەی باڵەکۆنێکەوە کە نزیک بوو لە ڕووباری سێن بگەنە گالەری دی ئەپۆلۆن. تەنیا لە ماوەی حەوت خولەکدا خشڵەکانیان دزی، نرخی خشڵە دزراوەکان 88 ملیۆن یۆرۆ کە دەکاتە (102 ملیۆن دۆلار) بووە.

لە لایەکی دیکەوە: سەرپەرشتیارانی مۆزەخانەی لوڤەر کۆمەڵێک پارچەی بەنرخی لە پێشانگای ئەپۆلۆ، کە گەوهەرگەلی سەردەمی پاشایەتی تێدایە، گواستەوە بۆ بانکی فەرەنسا، کە لەوێ یەدەگی زێڕی وڵات لە ژێر زەمینێکی گەورەدا هەڵدەگیرێت کە  500 مەتر لە مۆزەخانەکەوە دوورە.

زانیاریی زیاتر: دوو لە دزەکان بە بڕینی چوارچێوەی پەنجەرەکە بە ئامێری کارەبایی چوونەتە ناو بیناکە. پاشان هەڕەشەیان لە پاسەوانەکان کردووە، کە باڵەخانەکەیان چۆڵکرد، شووشەکانیان بڕییوە، تاجێکی ئەڵماس و زومڕووتینەیان لێ کەوتووە کاتێک بە ڕاڕاوەکەدا ڕایانکرد، بەڵام توانیان هەشت پارچەی تر ببەن، لەنێویاندا گەردانەیەکی زومڕووت و ئەڵماس کە ناپلیۆن بۆناپارت بەخشیبووی بە هاوسەرەکەی، ماری-لویز.