پشووەكانی جەژن زیاتر دەبن

 ئاڤا نیوز

بەپێی ڕۆژژمێری حکومەتی هەرێمی کوردستان، ساڵانە ڕۆژی نۆی نیسان لە سەرتاسەری هەرێمی کوردستان پشووی فەرمییە، حکومەتی عێراقیش ئەو ڕۆژەی کردووەتە پشوو.

ئەوەی پێویستە بیزانیت: هۆکاری پشووەکە، بۆ ڕۆژی ڕووخانی ڕژێمی بەعس و ئازادکردنی عێراق لە ساڵی 2003 لەلایەن هێزەکانی هاوپەیمانان دەگەڕێتەوە، ئەو رۆژەش لەمساڵدا دەکەوێتە ڕۆژی سێ شەممە و پێشبینی دەکرێت ڕۆژێک پێش جەژنی ڕەمەزان بێت.

ئەوەی پێشبینی دەکرێت: لیژنەی بینينی مانگ ئێوارەی ڕۆژی دووشەممە بۆ دیاریکردنی یەکەم رۆژی جەژنی ڕەمەزان کۆدەبێتەوە و بڕیار لە یەکەم ڕۆژی جەژن دەدات؛ پێشبینیش دەکرێت ڕۆژی سێشەممە 9-4-2024 یاخود ڕۆژی چوارشەممە 10-4-2024 وەک یەکەم رۆژی جەژنی ڕەمەزان دیاری بکرێت.