جووتیارە نموونەییەکەی بارزان 20 دۆنم زەوی بە برنجی کوردی داچاندووە

ئاڤا نیوز

 

جووتیارێکی نموونەیی لە دەڤەری بارزان، ئەمساڵ زیاتر لە 20 دۆنم زەوی بۆ بەرهەمهێنانی برنجی کوردی لە سنووری گوندی بالندا چاندووە. ماوەی شەش مانگە لەگەڵ دوو جووتیاری دیکەدا سەرقاڵیەتی و ئێستا برنجەکەی پێگەیشتووە و چاوەڕوانی بەرهەمێکی باش دەکات.

 

بۆچی گرنگە؛ ئەمە یەکەمجارە چاندنی برنج لە سنووری ناحیەی بلێ بە ڕێژەی 40٪ زیاد بکات، لە کاتی دروێنەشدا برنجێکی تەندروست بەرهەم هاتووە. دوای چەند ڕۆژێک لە وشککردنەوە، دەبنە خاوەنی برنجی کوردی و بۆ خۆراکی خۆیان پشتی پێ دەبەستن.

 

زانیاریی زیاتر؛ لەگەڵ پێشکەوتنی تەکنەلۆژیادا، گۆڕانکاری لە کاری جووتیاریدا دروست بووە، پێشووتر کە پشت بە ئامێرە سەرەتاییەکان بۆ دروێنەکردن و کۆکردنەوەی بەرهەم دەبەسترا هەم کاتێکی زۆر هەم وزەیەکی زۆری جووتیارانی دەبرد، بەڵام ئێستا جووتیاران نوێترین ئامێر و تەکنەلۆژیاکان بەکاردەهێنن، بەمەش یارمەتیان دەدات بەرهەمی زیاتر بە کاتی کەمتر بخەنە بازاڕەوە.

 

ئەوەی پێشبینی دەکرێت؛ پێشبینی دەکرێت ئەمساڵ لە سنووری ئامێدی زیاتر لە 700 تۆن برنج بەرهەم بهێنرێت و لە دەڤەری بارزانیش بەرهەمی برنج بە ڕێژەی 40٪ زیادی کردووە.