ئیسرائیل خوێندنەوە بۆ پێنج بژاردەی پەیوەست بە حەماس دەکات

ئاڤا نیوز

لە ئەگەری نەگەڕاندنەوەی تەرمی بارمتە ئیسرائیلییەکان لەلایەن بزووتنەوەی حەماسەوە، ڕۆژنامەیەکی ئیسرائیلی بڵاویدەکاتەوە،  ئیسرائیل تاوتوێی پێنج بژاردە دەکات.

زانیاریی بەدەستهاتوو: بەگوێرەی ڕۆژنامەی ئۆرشەلیم پۆست،  بە پشت بەستن بە شارەزایانی ئەمنی ئیسرائیلی، ئاشكرای دەکات، ئیسرائیل کار لەسەر بژاردەی دیکە دەکات ئەگەر حەماس پابەندی گەڕاندنەوەی ڕووفاتی بارمتەکان نەبێت.

زانیاریی زیاتر: بەگوێرەی ڕۆژنامەکە پێنج بژاردە هەن لەوانەش، فراوانکردنی کۆنترۆڵی ئیسرائیل بەسەر غەززە، فراوانکردنی ئۆپەراسیۆنەکان، پەرەسەندنی سەربازی زیاتر، فشاری دیپلۆماسی و کۆتاییهێنان بە ڕێککەوتنەکە.

ئەوەی لەبارەیەوە دەگوترێت: سەرچاوەکان دەڵێن، ئیسرائیل چاوەڕێی گڵۆپی سەوزە لە واشنتنەوە بۆ ئەوەی هەنگاو بنێت.

بۆچوونی لایەنی بەرامبەر: لەبارەی ئەمەوە حەماس دەڵێت، هەموو هەوڵێک دەدات بۆ گەیشتن بە شوێنی تەرمەکان، بەڵام پڕۆسەکە ئاڵۆزە و کاتی پێویستە.

ژمارەکان وادەڵێن: نووسینگەی سەرۆکوەزیرانی ئیسرائیل ڕایگەیاند دوێنی تەرمێکی دیکەیان وەرگرتەوە، بەمشێوەیە، لە سەرەتای دەستپێکی ڕێککەوتنەکەوە، حەماس تەرمی 17 بارمتەی ئیسرائیلی لە کۆی 28 تەرم ڕادەستکردووە.