کۆمیسیۆن لە بەرامبەر پێدانی باجی ڕێگەپێدان پارە وەردەگرێت

ئاڤا نیوز

کۆمسیۆنی باڵای هەڵبژاردنەکانی عێراق بڕیاریداوە لە بەرامبەر پێدانی هەر باجێکی کۆمیسیۆن بە نوێنەری لایەن سیاسییەکان و چاودێران، دەبێت پێنج هەزار دینار بدرێت.

لێدوانی فەرمی: جومانە غەلای، وتەبێژی کۆمیسیۆنی باڵای سەربەخۆی هەڵبژاردنەکان بە ئاڤا میدیای ڕاگەیاند: ئەنجوومەنی کۆمیسیارانی کۆمیسیۆن بڕیاریداوە، پێنج هەزار دینار لە بەرامبەر پێدانی هەر باجێکی کۆمیسیۆن بە نوێنەری لایەنە سیاسییەکان و چاودێرانی ناوخۆیی و میدیاکارانی ناوخۆیی وەربگرێت.

- بە وتەی ناوبراو، پارەکە لەژێر هیچ بارودۆخێکدا ناگەڕێنرێتەوە و پارەدانەکەش لە ڕێگەی کارتی پارەدانی ئەلیکترۆنی لە بەشی دارایی فەرمانگەی هەڵبژاردنی هەولێر دەدرێت.

زانیاریی زیاتر: دوو هەفتە بۆ هەڵبژاردنی خولی شەشەمی هەڵبژاردنی پەرلەمانی عێراق ماوە، کۆمیسیۆنی هەڵبژاردنەکانیش لە ئامادەکاریی بەڕێوەبردنی پرۆسەکە بەردەوامە.