خەمیس خەنجەر: حکومڕانی و دەوڵەتداری بە کوشتن و ستەمکردن بەردەوام نابێت

ئاڤا نیوز

پێنجەمین کۆنفڕانسی زانستیی نێودەوڵەتیی تایبەت بە جینۆساید لە دهۆک بەڕێوەچوو و لەدوای وتەکانی سەرۆک بارزانی، خەمیس خەنجەر، سەرۆکی هاوپەیمانی سیادە وتارێکی پێشکەش کرد و ڕایگەیاند: شۆڕشێکی جەماوەری کە هەوڵ بۆ ئازادی بدات،  بە کوشتن و چەکی قەدەغەکراو و کۆمەڵکوژی سەرکوت ناکرێت.

چیرۆکی سەرەکی: ئەمڕۆ سێشەممە، 28-10-2025، بە ئامادەبوونی سەرۆک بارزانی، پێنجەمین کۆنفرانسی زانستیی نێودەوڵەتیی تایبەت بە جینۆسایدی گەلی کورد، لە شاری دهۆک دەستیپێکرد کە بۆ ماوەی دوو ڕۆژ بەردەوام دەبێت و پرسی بە دیکۆمێنتکردن و بە جیهانی ناساندنی ئەو تاوانە تاوتوێ دەکرێن.

لێدوانی فەرمی: خەمیس خەنجەر، سەرۆکی هاوپەیمانی سیادە کە لەمیانەی کۆنفرانسەکە وتارێکی پێشکەش کرد ڕایگەیاند: ئەو وێنانەی کە لەگەڵ بەڕێز مەسعود بارزانیدا بینیم، زۆر ئازای دام و هەستم کرد دژ بە گەلی کورد کراوە، دەبێت وانەیەک بێت کە شۆڕشێکی جەماوەری کە هەوڵ بۆ ئازادی بدات، بە کوشتن و چەکی قەدەغەکراو و کۆمەڵکوژی سەرکوت ناکرێت، گەلە زیندووەکان ئەوانەن کە سەرەڕای هەموو ئازارەکان، هەڵدەستنەوە و ئەمەش ئەوەیە کە گەلی کورد کردی.

- حکومڕانی و دەوڵەتداری بە کوشتن و ستەمکردن لە گەل بەردەوام نابێت، چونکە دەوڵەت بە لێبوردەیی و دادپەروەری بوونیاد دەنرێت و ئەمەش بنەمای حوکمڕانییە.

- گەلی کورد هەرگیز بیری لە تۆڵەسەندنەوە نەکردووەتەوە، سەرەڕای ئەو هەموو زوڵم و زۆردارییەی بەرامبەریان کراوە، بەپێچەوانەی خەڵکی دیکە هەرچەندە تووشی ستەمێکی کەمتر بوونەوە، بەڵام گەلی کورد گەلێکی لێبوردەیە و بۆ ژیان و پێکەوەژیان هەوڵدەدات، خودا ئەم گەلە بپارێزێت.

- بە بوونی بەڕێز مەسعود بارزانی، هەمووان بە یارمەتی خودا بەرەو چاکی دەڕۆن.