مەسرور بارزانی پڕۆژە گەورەکەی گاز بە تێچووی 591 ملیۆن دۆلار لە دهۆک کردەوە

ئاڤا نیوز

 سەرۆکوەزیرانی کوردستان، پڕۆژەی ڕاكێشانی هێڵی گازی سرووشتی هەولێر - دهۆک دەکاتەوە، کە ئامانج لێی گەیاندنی غازی سرووشتییە بۆ وێستگەی کارەبای کواشێ لە قەزای سێمێل.

وێنە گەورەکە: کابینەی نۆیەم بەسەرۆکایەتیی مەسرور بارزانی، بەردەوامە لە جێبەجێکردنی پڕۆژە خزمەتگوزارییەکان لە سەرجەم ناوچە جیاوازەکانی هەرێمی کوردستان، پڕۆژەی ڕاکێشانی بۆریی غازی هەولێر - دهۆک کە یەکێكە لە پڕۆژە گرنگەکانی دابینکردنی کارەبا بە تێچووی 591 ملیۆن دۆلار جێبەجێ کراوە.

زانیاریی زیاتر: پرۆژەکە لە قەزای سێمێڵە و یەكێكە لە پڕۆژە هەرە گرنگەكان بۆ ژێرخانی ئابووریی كوردستان. ئامانجی پرۆژەکە ئەوەیە، غازی سرووشتی بگەیێنرێتە وێستگەی كارەبای هەزار مێگاواتی کواشێ لە قەزای سێمێل، کە درێژی بۆریی پڕۆژەکە 192 كیلۆمەترە و بە بڕی 591 ملیۆن دۆلار لەلایەن كۆمپانیای كارەوە جێبەجێ كراوە.