ئاماری کوژراوانی هێرشەی ئیسرائیل بۆ سەر غەززە ڕاگەیێنرا

ئاڤا نیوز

 

دوای ئەوەی شەوی ڕابردوو سوپای ئیسرائیل بە بیانووی شکاندنی ئاگربەست لەلایەن حەماسەوە هێرشەکانی لە سەرانسەری غەززە دەستپێکردووە، لە ئەنجامدا زیاتر لە 60 کەس کوژران.

 

چیرۆکی سەرەکی: دوای دوو هەفتە لە وەستانی شەڕ، بە فەرمانی ڕاستەوخۆی بنیامین نەتەنیاهۆ، سەرۆکوەزیرانی ئیسرائیل، هێرشی ئیسرائیل بۆ سەر کەرتی غەززە دەستیپێکردەوە، ئەمەش دوای کوژرانی ئەفسەر و سەربازێک و برینداربوونی سەربازێکی دیکەی لە ڕەفح لە باشووری کەرتی غەززە.

 

ژمارەکان وادەڵێن: بەپێی سەرچاوە پزیشکییەکان لە غەززە، لە هێرشەکانی ئەمشەویاندا هێزەکانی ئیسرائیل لانیکەم 63 کەسیان لە غەززە کوشتووە کە 24 کەسیان منداڵ بوون.

 

لەلایەکی دیکە؛ دۆناڵد ترەمپ، سەرۆکی ئەمریکا لەبارەی هێرشەکە ڕایگەیاند، "ئیسرائیل مافی تۆڵەسەندنەوەی هەیە ئەگەر حەماس پابەند نەبێت، ئەوا لەناو دەچێت".