پەیامێک لە سەرۆکوەزیران مەسرور بارزانییەوە بۆ حکومەتی عێراق

ئاڤا نیوز

سەرۆکوەزیران مەسرور بارزانی پەیامێک ئاڕاستەی حکومەتی عێراق دەکات و دەڵێت: گەر مەبەستان بێت خزمەتی خەڵکی بکەن، ئامادەین یارمەتییان بدەین. 

چیرۆکی سەرەکی: ڕۆژی پێنجشەممە 30-10-2025، مەسرور بارزانی یەکەم داری لە پشتێنەی سەوزای هەولێر چاند و بەمەش یەکەم قۆناغی کارەکانی ئەو پڕۆژە گەورە و ستراتیژییەی کابیینەی نۆیەم دەچێتە بواری جێبەجێکردنەوە. 

لێدوانی فەرمی: سەرۆکوەزیران مەسرور بارزانی لە دوای تەواوبوونی مەراسیمەکە وەڵامی پرسیاری ڕۆژنامەنووسانی دایە و ڕایگەیاند: ئێمە هەمیشە ئامادەیی خۆمان دەربڕیوە یارمەتی هەموو عێراق بدەین، ئەو نموونە سەرکەوتووانەی کە لە کوردستان هەن، گەواهیدەری ئەوەن کە بە دڵسۆزی کار بکرێت خزمەتی باش پێشکەش بە هاووڵاتییان دەکرێت.

لە بەشێکی دیکەی قسەکانیشی باسی لەوەکرد، گەر حکومەتی عێراقیش بیەوێت خزمەتی خەڵکی بکات، ئامادەین یارمەتییان بدەین. 

لەبارەی هەڵمەتی بانگەشەی هەڵبژاردنەوە مەسرور بارزانی باسی لەوەکرد:

ئێمە بەشێوەیەکی کارا بەشدارین لە هەڵمەتی هەڵبژاردن بۆ سەرخستنی کاندیدانی پارتی، پێمان وایە کاندیدانمان لە پەرلەمانی عێراق بەرگریی لە مافی هەموو خەڵکی عێراق بکەن، بە هەموو ماددە دەستوورییەکانەوە.