ئیسرائیل 30 تەرمی دیکە ڕادەستی حەماس دەکاتەوە

ئاڤا نیوز

لە چوارچێوەی ڕێککەوتنی ئاڵوگۆڕی تەرمەکان و بە گوێرەی پلانی ئاگربەستی غەززە، ئیسرائیل ژمارەیەک تەرم ڕادەستی حەماس دەکاتەوە.

ڕاگەیێنراوی فەرمی: کۆمەڵگەی پزیشکی ناسر لە خان یونس ڕاگەیاند، "تەرمی 30 زیندانی فەلەستینی لە لایەنی ئیسرائیلەوە لە چوارچێوەی گرێبەستی ئاڵوگۆڕکردندا وەرگیراوە".

زانیاریی زیاتر: بەپێی ئاگربەستی غەززە کە لەسەر بنەمای پلانە 20 خاڵییەکەی دۆناڵد ترەمپی سەرۆکی ئەمریکا بەسترا، ئیسرائیل لە بەرامبەر تەرمی هەر بارمتەیەکیدا 15 تەرمی فەلەستینی ڕادەستی حەماس دەکاتەوە.

ئەمەش بزانە: تا ئیستا ئیسرائیل 225 تەرمی فەلەستینییەکانی ڕادەست کردوونەتەوە.