نێچیرڤان بارزانی و سوودانی جەخت لە پێشكه‌شكردنی خزمه‌تگوزاری بۆ هاووڵاتیان دەکەنەوە

ئاڤا نیوز

 

سەرۆکی هەرێمی کوردستان و سەرۆکوەزیرانی عێراق لە کۆبوونەوەیەکدا جەخت لە پابه‌ندیی حكومه‌تی فیدراڵ  بۆ پێشكه‌شكردنی خزمه‌تگوزاری و به‌پیره‌وه‌چوونی داواكاریی هاووڵاتیان له‌ هه‌موو عێراق به‌ هه‌رێمی كوردستانیشه‌وه‌‌ دەکەنەوە. 

 

ئەوەی پێویستە بیزانیت: نێچیرڤان بارزانی، سەرۆکی هەرێمی کوردستان ڕۆژی شەممە 06-04-2024 لەگەڵ محەممەد شیاع سوودانی، سەرۆکی ئەنجوومەنی وەزیرانی عێراق کۆبووەوە و تێڕوانینی هاوبه‌ش بۆ ته‌واوی پرس و بابه‌ته‌ نیشتمانییه‌كان و جێبه‌جێكردنی كارنامه‌ی حكومه‌تی فیدراڵیی عێراق له‌ هه‌موو بواره‌كاندا خرایه‌ به‌ر باس.

ڕاگەیێنراوی فەرمی: هه‌ردوولا جه‌ختیان له‌ پابه‌ندیی حكومه‌تی فیدراڵ کرده‌وه‌ بۆ پێشكه‌شكردنی خزمه‌تگوزاری و به‌پیره‌وه‌چوونی داواكاریی هاووڵاتیان له‌ هه‌موو عێراق به‌ هه‌رێمی كوردستانیشه‌وه‌‌، هه‌روه‌ها هاوڕابوون له‌سه‌ر پێویستیی پشتگیریی دامه‌زراوه‌ فیدراڵییه‌کان و دامه‌زراوه‌كانی هه‌رێمی كوردستان.
لە ڕاگەیێنراوی سەرۆکایەتیی هەرێمی کوردستان هاتووە

 

لەلایەکی دیکەوە: له‌ كۆبوونه‌وه‌كه‌دا داکۆکی له‌ گرنگیی پشتگیریی ته‌واوی هێز و لایه‌نه‌ سیاسییه‌كانی عێراق له‌ هه‌نگاوه‌كانی چاكسازیی حكوومه‌تی فیدراڵ كرایه‌وه‌ به‌مه‌به‌ستی به‌ره‌وپێشبردنی گه‌شه‌پێدانی ته‌واو له‌ وڵات و تێپه‌ڕاندنی كێشه‌ و به‌ربه‌سته‌کانی به‌رده‌می له‌ بواری كارگێڕی و جێبه‌جێكاریدا.