کارەکانی نۆژەنکردنەوەی قەڵای هەولێر نزیکە لە تەواوبوون

ئاڤا نیوز

 

سەرۆکی کۆمیسیۆنی نۆژەنکردنەوەی قەڵای هەولێر ڕایگەیاند، پرۆسەی نۆژەنکردنەوەی قەڵای هەولێر بەردەوامە و تاوەکو کۆتایی مانگی حوزەیران دەرگای قەڵا بەڕووی گەشتیاراندا دەکرێنەوە.

 

لێدوانی فەرمی: نیهاد قۆجە، سەرۆکی کۆمیسیۆنی نۆژەنکردنەوەی قەڵای هەولێر بۆ ئاڤا نیوز گوتی: کۆمسیۆنی باڵای بووژانەوەی قەڵا بە هەماهەنگی لەگەڵ ڕێکخراوی یونسکۆ ماستەرپلانێکیان داناوە بۆ شێوازی نۆژەنکردنەوەی قەڵا کە لە 2007ـەوە دەستیپێکردووە و تاوەکو ئێستا بەردەوامە بە ئامانجی ئەوەیە کە لە داهاتوودا قەڵا ببێتە جێگەیەک کە ژیان تێیدا بەردەوامی هەبێت و ببێتە سەنتەرێکی کولتووری و هونەری.

 

ئەوەی پێویستە بیزانیت: ئەو بودجەیەی پێشووتر بۆ نۆژەنکردنەوەی تەواوی قەڵا تەرخانکرابوو بریتیی بوو لە 130 بۆ 140 ملیۆن دۆلار؛ کە لە 2005ـەوە و سەرەڕای تەنگژەی دارایی، شەڕی داعش و سەرهەڵدانی ڤایرۆسی کۆڕۆنا لە نۆژەنکردنەوە بەردەوام بوون و تاوەکو ئێستاش کارەکان بەردەوامن.

 

زانیاریی زیاتر: بەگوێرەی پلانەکان کۆتایی مانگی حوزەیران کارەکانی نۆژەنکردنەوەی شەقامی سەرەکی و خانووەکان کۆتایی دێن؛ دەرگاکانی قەڵای هەولێریش بەڕووی گەشتیاران و هاووڵاتیانی ناوخۆ و دەرەوە دەکرێنەوە.