وڵاتێکی دیکە دەچێتە ناو ڕێککەوتنی ئیبراهیمییەوە

ئاڤا نیوز

چاوەڕێ دەکرێت دۆناڵد ترەمپ، سەرۆکی ئەمریکا، بە فەرمی ئەندامبوونی وڵاتێکی دیکە لە پەیمانی ئیبراهیمی لەگەڵ ئیسرائیل ڕابگەیێنێت.

لێدوانی فەرمی: ستیڤ ویتکۆف، نێردەی تایبەتی سەرۆکی ئەمریکا ڕایگەیاند: ئیدارەی ترەمپ ڕایدەگەیەنێت کە وڵاتێکی دیکە پەیوەندی بە ڕێککەوتنی ئیبراهیمییەوە دەکات و پەیوەندییەکانی لەگەڵ ئیسرائیل ئاسایی دەکاتەوە.

زانیاریی بەدەستهاتوو: هەرچەندە ویتکۆف ناوی هیچ وڵاتێکی ئاشکرا نەکرد، بەڵام بە گوێرەی زانیارییە میدیاییەکان، بەو پێیەی بڕیارە ترەمپ و قاسم جۆمارت تۆکایێڤ، سەرۆکی کازاخستان، کۆببنەوە، پێشبینی دەکرێت ئەو وڵاتە کازاخستان بێت.

ئەمەش بزانە: ڕێککەوتنی ئیبراهیمی لەسەر دەستپێشخەریی ترەمپ بۆ ئاساییکردنەوەی پەیوەندیی نێوان ئیسرائیل و وڵاتانی موسوڵمان و عەرەبی کراوە.