ساڤایا: پشتگیریی لە عێراقێكی بێ میلیشیا دەکەین

ئاڤا نیوز

مارک ساڤایا، نوێنەری سەرۆک دۆناڵد ترەمپ بۆ عێراق هەڵوێستی ئەمریکای سەبارەت بە گرووپە چەکدارەکانی عێراق دووپات کردەوە و ڕایگەیاند: ئەمریکا پشتیووانی لە عێراقێکی بێ میلیشیا دەکات.

لێدوانی فەرمی: مارک ساڤایا، لە ڕێگەی تۆڕی کۆمەڵایەتیی ئێکسەوە ڕایگەیاند: داهاتووی عێراق بەهۆی خەڵکە بەتوانا و زیندووەکەیەوەیە، کە بەنرخترین سەرچاوەی هەر وڵاتێکی پرشنگدارە، لەم ساڵانەی دواییدا عێراق پێشکەوتنی گرنگی بەخۆیەوە بینیوە.

- ئەمریکا شانبەشانی عێراق لەم پێشکەوتنە وەستاوە بەرەو؛ بەهێزی، سەربەخۆیی و خاڵی لەو میلیشیایانەی کە لەلایەن وڵاتانی دەرەوە پشتیووانی دەکرێن.

ئەمەش بزانە: ئەمریکا لە بوونی هێزی میلیشیایی لە ناو عێراق کە لەلایەن ئێرانەوە پاڵپشتی دەکرێن نیگەرانە و کار دەکات حکومەتی عێراق ڕازی بکات کۆتایی بەو هێزانە بهێنێت و هەموو هێزە چەکدارەکان لە ژێر دەستەڵاتی حکومەتدا بن.