لەبارەی حەجی بازرگانی هۆشداری دەدرێت

ئاڤا نیوز

بەڕێوەبەرایەتیی حەج و عومرەی کوردستان هۆشداری بە خەڵک و کۆمپانیاکان دەدات هەر کەسێک حەجی بازرگانی بکات سزا دەدرێت.

وێنە گەورەکە: ماوەیەکە چەند کۆمپانیایەکی هەرێمی کوردستان لە پلاتفۆرمەکانی سۆشیاڵ میدیا بانگەشەی حەجی بازرگانی دەکەن. 

لێدوانی فەرمی: "حەجی بازرگانی له‌لایه‌ن سعوودیه‌وه‌ قه‌ده‌غه‌ كراوه‌ و ڕێگه‌پێدراو نییه‌، هه‌ر كه‌سێك ده‌ستگیر بكرێت سزای قورس ده‌درێت." کاروان ستوونی، گوتەبێژی بەڕێوەبەرایەتی گشتیی حەج و عومرەی کوردستان وای بە ئاڤا نیوز گوت. 

بۆچی گرنگە: بەهۆی بەرنەکەوتنی نۆرەی حەج، ساڵانە لە هەرێمی کوردستان هاونیشتمانیان پەنا بۆ ئەم ڕێگایە دەبەن بەمەبەستی ئەنجامدانی فەریزەی حەج.

ئەمەش بزانە: بەگوێرەی ڕێنمایی وه‌زاره‌تی حه‌جی سعوودیه، هەر کەسێک بەو هۆکارە دەستگیر بکرێت، شەش مانگ زیندانی دەکرێت و 15 هەزار دۆلار سزای پێبژاردن دەدات.

ئەوەی پێویستە بیزانیت: تێچووی حه‌جی ئاسایی لە هه‌رێمی كوردستان بۆ گه‌شتی ئاسمانی به‌ فڕۆكه‌ شه‌ش ملیۆن و 350 هه‌زار دینارە، بۆ گه‌شتی وشكانیش به‌ پاس پێنج ملیۆن و 300 هه‌زار دینارە، حەجی بازرگانیش لە نێوان سێ هەزار بۆ 10 هەزار دۆلارە و نرخەکەی بەپێی کات دەگۆڕێت.