دەزگای خێرخوازیی بارزانی بە هاوکاریی سەرمایەداران قەرزی زیاتر لە پێنج هەزار خێزان دەداتەوە

ئاڤا نیوز

 

دەزگای خێرخوازیی بارزانی بە هاوكاریی سەرمایەداران قەرزی 5773 خێزان بە خاوەن دووکان و مارکێتەکان دەداتەوە.

 

وێنە گەورەکە: بە ئامانجی بایەخدان بە کولتووری بەخشین و گیانی هاوکاریکردن لەنێوان سەرمایەداران و هاووڵاتیان، دەزگای خێرخوازیی بارزانی پرۆژەیەکی بەناوی (داخستنی تێنووسی قەرزەکان) لە سنووری قەزاکانی پیرمام، شەقڵاوە و هەریر ڕاگەیاند؛ لە پرۆژەکە قەرزی 5773 خێزان بە خاوەن دووکان و مارکێتەکان درایەوە.

 

لێدوانی فەرمی: مووسا ئەحمەد، سەرۆکی دەزگای خێرخوازیی بارزانی لە کۆنفراسێکی ڕۆژنامەوانیدا ڕایگەیاند: 11 سەرمایەدار و بەخشەر بەشدارییان لە پرۆژەی (داخستنی تێنووسی قەرزەکان) کرد، بە بڕی یەک ملیار و 29 ملیۆن و 955 هەزار دینار قەرزی هاووڵاتیانیان دایەوە.

 
ژمارەکان وادەڵێن: کۆی گشتی 5773 خێزان لە پرۆژەکە سوودمەندبوون، 5027 خێزان تەواوی قەرزەکانیان بۆ درایەوە، 746 خێزان 500 هەزار دینار لە قەرزەکانیان بۆ درایەوە.