پەیامێک لە سەرۆک بارزانییەوە لەبارەی هەڵبژاردنەوە

ئاڤا نیوز

سەرۆک بارزانی لە پەیامێکدا دووپاتی دەکاتەوە، هیوادارم ئەو هەڵبژاردنە و ئەنجامەكانی ببێتە هۆی ئەوەی عێراق بكەوێتە سەر ڕێچكەی دروستی خۆی.

وێنە گەورەکە: دوێنی سێ شەممە 11-11-2025، هەڵبژاردنی خولی شەشەمی پەرلەمانی عێراق بەڕێوەچوو، پارتی دیموکراتی کوردستان سەرکەوتنی گەورەی بەدەستهێنا و بووە یەکەم حیزب لەسەر ئاستی عێراق.

ڕاگەیێنراوی فەرمی: بارەگای بارزانی پەیامێکی سەرۆک بارزانی بڵاوکردەوە کە تیایدا هاتوو: بەبۆنەی سەركەوتنی پڕۆسەی هەڵبژاردنی ئەنجوومەنی نوێنەرانی عێراق پیرۆزبایی لە هاووڵاتیانی خۆشەویستی كوردستان و هەموو عێراق دەكەم، هەروەها پیرۆزبایی لە خانەوادەی سەربەرزی شەهیدان و پێشمەرگە قارەمانەكان و هەموو چینوتوێژەكانی كوردستان دەكەم.

-لێرەدا بەپێویستی دەزانم سوپاسی سەرکردایەتی و  ئەندامان و کادران و جەماوەری پارتی و هەروەها دامودەزگە ئەمنییەكان و هەموو لایەنە پەیوەندیدارەكان بكەم كە بە ماندووبوون و شەونخونیان كەشێكی ئارام و هێمنیان بۆ ئەنجامدانی پڕۆسەی هەڵبژاردن ڕەخساند. هیوادارم ئەو هەڵبژاردنە و ئەنجامەكانی ببێتە هۆی ئەوەی عێراق بكەوێتە سەر ڕێچكەی دروستی خۆی.