سەدان یاسا چاوەڕێی دەستپێکردنی خولی نوێی پەرلەمانی عێراق دەکەن

ئاڤا نیوز

لە پەرلەمانی عێراق زیاتر لە 125 یاسا ئامادەن بۆ دەنگدان یان تەنیا خوێندنەوەی دووەمیان ماوە، هاوکات زیاتر لە 120 پرۆژە و پێشنیازەیاسا هەن خوێندنەوەی یەکەم یان دووەمیان بۆ نەکراوە و پەککخراون. ئەمەش دوای ئەوەی بە درێژایی دانیشتنەکانی خولەکانی پێشوو بەهۆی ناکۆکی سیاسی و تەکنیکییەوە ڕاگیراون.

لێدوانی فەرمی: عەلی تەمیمی، شارەزای یاسایی ئاشکرای کردووە، کۆمەڵێک یاسا هەن سەرەڕای ئەوەی گرنگییەکی زۆریان هەیە و سوودێکی زۆریان بۆ کۆمەڵگا هەیە، بەڵام تا ئێستا دەرنەچوون. لە پێشەنگی ئەمانە یاسای نەوت و گازی فیدراڵییە کە لە ساڵی 2007ـەوە دەرنەچووە، هەرچەندە دەرکردنی ئەم یاسایە پەیوەندیی نێوان حکومەتی فیدراڵی و هەرێمی کوردستان ڕێکدەخات و ئەنجوومەنی نەوتی فیدراڵی دادەمەزرێنێت کە گرێبەست لەگەڵ کۆمپانیاکان دەکات و کرێی گواستنەوە دیاری دەکات، هەروەها کۆتایی بە قەیرانی مووچەی نێوان حکومەتی بەغدا و هەولێر دەهێنێت.

لەلایەکی دیکەوە: تاریق شەرع، پسپۆڕی یاسایی ڕایگەیاند، زیاتر لە 120 یاسا هەن کە گیریان خواردووە و خوێندنەوەی یەکەم یان دووەمیان بۆ نەکراوە بەهۆی ناکۆکییە سیاسییەکان یان کێشەی هونەرییەوە ڕێگرییان لێکراوە.

زانیاریی زیاتر: بەشێک لەو یاسایانەی چاوەڕێی تێپەڕاندنن بریتین لە، یاسای دادگەی فیدراڵی، یاسای ئاسایشی نیشتمانی، پەسەندکردنی هەمواری یاسای بودجە، مافی دەستگەیشتن بە زانیاری، تاوانە ئەلیکترۆنییەکان و مافی خۆپیشاندان کە لە زۆرێک لە وڵاتان ئەو یاسایە کار پێدەکرێت.