وەزارەتی ئەوقاف: ئێوارەی ئەمڕۆ لە گڵەزەردە چاودێریی بینینی مانگ دەکەین

ئاڤا نیوز

 

ئێوارەی ئەمڕۆ لە گڵەزەردە چاودێریی بینینی مانگ دەکرێت بەمەبەستی دیاریکردنی یەکەم ڕۆژی جەژنی ڕەمەزان، وەزارەتی ئەوقافیش دەڵێت پشت بە هیچ وڵاتێک نابەستن.

بۆچی گرنگە: ساڵانە بۆ دیاریکردنی یەکەم ڕۆژی جەژنی ڕەمەزان مشتومڕ دەکەوێتە نێوان وڵاتە ئیسلامییەکان و بە دەگمەن نەبێت بەیەکەوە نایکەن بە جەژن.

لێدوانی فەرمی: نەبەز ئیسماعیل، گوتەبێژی وەزارەتی ئەوقاف بە ئاڤا نیوزی گوت: لیژنەی باڵای بینینی مانگ لەگەڵ لیژنە لاوەکییەکانی پارێزگا و ئیدارە سەربەخۆکان کاتژمێر 05:00ـی ئێوارە کۆدەبێتەوە و دوای خۆرئاوابوون چاودێریی بینینی مانگ دەکەن.

ئەوەی پێویستە بیزانیت: وەزارەتی ئەوقاف دەڵێت، پشت بە هیچ وڵاتێک نابەستن بۆ دیاریکردنی یەکەم ڕۆژی جەژنی ڕەمەزان.

ئەوەی پێشبینی دەکرێت: دوای خۆرئاوابوون ئەگەر مانگ بینرا، ئەوا سبەی دەبێتە یەکەم ڕۆژی جەژن، ئەگەریش نەبینرا ڕاستەوخۆ دەبێتە چوارشەممە.