حەمید بانەیی: کتێبخانەی کوردی لە کتێبە میوزیکییەکاندا هەژارە

ئاڤا نیوز

لە دیدارێکی تایبەتی ئاڤا میدیا هونەرمەند حەمید بانەیی باس لە وێستگەکانی ژیانی خۆی دەکات و پێیوایە کتێبخانەی کوردی لە کتێبی میوزیکی کەمە و بایەخێکی ئەوتۆی پێنەدراوە، بۆیە ئەو دەیەوێت لەو ڕووەوە دەوڵەمەندی بکات.

لێدوانی فەرمی: حەمید بانەیی لە دیدارەکەدا دەڵێت: جگە لەوەی سەرقاڵی کاری هونەری و ڕاگەیاندنم، وەک ئارەزووی خۆم کاری وەرگێڕان دەکەم، بابەتی ترم زۆر وەرگێڕاوە، بەڵام ئێستا خەیاڵم  داوەتە ئەو کتێبانەی پەیوەندی بە میوزیکەوە هەیە چونکە کتێبخانەی کوردی داماوە لە بواری کتێبی میوزیکی دا.

زانیاری زیاتر: یەکێک لە کتێبەکانی حەمید بانەیی بە ناوی (مێژووی ژیانی موزیک)ە و چاپکراوە. هونەرمەندەکە کتێبی (بانگێشتێک بۆ میوزیک)ی وەرگێڕاوە کە لە قۆناغی  چاپکردندایە و ئێستاش سەرقاڵی وەرگێڕانی کتێبێکی دیکەی میوزیکە بە زمانی ئینگلیزی.