بۆ خۆپاراستن لە سزاکانی ئەمریکا ڕۆسنەفت پشکەکانی لە بۆریی نەوتی هەرێمی کوردستان کەم دەکاتەوە

ئاڤا نیوز

بۆ خۆپاراستن لە سزاکانی ئەمریکا، کۆمپانیای ڕۆسنەفت پشکی خۆی لە کۆمپانیای بۆری کوردستان KPC کەمکردووەتەوە بۆ کەمتر لە 50%.

زانیاریی بەدەستهاتوو: بەگوێرەی ڕاپۆرتێکی ئاژانسی ڕۆیتەرز کە پشتی بە سەرچاوەیەکی حکومەتی هەرێمی کوردستان بەستووە، ئەم بڕیارەی ڕۆسنەفت بە ڕاوێژ بووە لەگەڵ حکومەتی هەرێمی کوردستان و بە ئامانجی پاراستنی لقەکانی کۆمپانیاکەیە لە سزاکانی ئەمریکا. چونکە ئەمریکا ئەو کۆمپانیایانە کە پشکیان لە 50% زیاترە سزا دەدات.

زانیاریی زیاتر: ئەمریکا مانگی ڕابردوو سزای لەسەر ڕۆسنێفت و لوکئۆیل سەپاند کە دوو کۆمپانیای نەوتی گەورەی ڕووسیان، بۆ ئەوەی گوشار بخاتە سەر ڤلادیمیر پووتین، سەرۆکی ڕووسیا بۆ کۆتاییهێنان بە جەنگی ئوکرانیا.

ئەمەش بزانە: ڕۆسنەفت 11٪ـی پشکەکانی بە کۆمپانیای DEX Capital فرۆشتووە کە بنکە سەرەکییەیەکی لە ئیماراتە. 

ڕۆسنێفت لە ساڵی 2017ـدا بەرژەوەندی 60%ـی لە KPC بەدەستهێنا، لەکاتێکدا گرووپی KAR ـی ناوخۆیی 40%ـی هێشتەوە. لەو کاتەدا، سەرچاوەکان ڕایانگەیاند، چاوەڕێ دەکرێت وەبەرهێنانی ڕۆسنەفت لەم پڕۆژەیەدا بگاتە نزیکەی 1.8 ملیار دۆلار.