نەهرۆ کەسنەزانی و محەممەد حەلبووسی کۆبوونەوە

ئاڤا نیوز

شێخ نەهرۆ کەسنەزانی، ڕێبەری تەریقەتی کەسنەزانی سەردانی محەممەد حەلبووسی، سەرۆکی هاوپەیمانیی تەقەدووم کرد، باسیان لە بارودۆخی سیاسی و ئەنجامی هەڵبژاردنی پەرلەمان کرد.

وێنە گەورەکە: لە هەڵبژاردنی ئەم دواییەی پەرلەمانی عێراق تەریقەتی کەسنەزانی بە چەندین کاندید لە چوارچێوەی هاوپەیمانیی تەقەدووم و هاوپەیمانیی دیکەش بەشداریی کرد و توانیی چەند کورسییەک لە پارێزگاکانی عێراق بباتەوە.

ڕاگەیێنراوی فەرمی: نووسینگەی ڕاگەیاندنی حەلبووسی بڵاوی کردەوە، لە میانی دیدارەکەدا باسیان لە بارودۆخی سیاسی و ئەنجامی هەڵبژاردنی پەرلەمان و گرنگی جێبەجێکردنی مەرجە دەستوورییەکان و پێکهێنانی حکومەتێک کردەوە کە لەگەڵ خواستەکانی هاووڵاتیان بگونجێت.

زانیاریی زیاتر: تەریقەی کەسنەزانی لە چوارچێوەی هاوپەیمانێتی لەگەڵ تەسمیم لە بەسرە و پارتی تەقەدووم و لیستە هاوپەیمانەکانی لە هەڵبژاردنی پەرلەمانی عێراق چوار کورسیی لە پارێزگاکانی بەغدا، بەسرە، ئەنبار و نەینەوا بەدەستهێناوە.