ئیسرائیل کەسی دووەمی ناو حیزبوڵڵای کوشت

ئاڤا نیوز

لە ئەنجامی هێرشیكی ئیسرائیل بۆسەر شاری بەیرووت، سەرۆک ئەرکانی هێزەکانی حیزبوڵڵا کە هاوکات کەسی دووەمی ئەو حیزبەیە، کوژرا.

چیرۆکی سەرەکی: سوپای ئیسرائیل بڵاویکردەوە لە شاری بەیرووتی لوبنان فەرماندەیەکی باڵای حیزبوڵڵایان کردووەتە ئامانج بەناوی هەیسەم عەلی تەباتەبایی، کە سەرۆکی ئەرکانی هێزەکانی حیزبوڵڵا بووە.

زانیاریی بەدەستهاتوو: سوپای ئیسرائیل ئاشکرایکردووە، بۆ ئەوەی کات بەفیڕۆ نەدەن لەگەڵ هێرشەکەیاندا ئەمریکایان ئاگادارکردووەتەوە. بەرپرسێکی ئەمریکیش بە پێگەی ئەکسیۆسی وتووە، ئاگاداربووین کە ئیسرائیل دەیەوێت هێرشێکی لەم جۆرە بکاتە سەر لوبنان، بەڵام نەماندەزانی بۆچی مەبەستێکە.

لەلایەکی دیکەوە: میدیاکانی ئیسرائیل دەڵێن، سوپا و هەواڵگری ئیسرائیل دووجار هەوڵی کوشتنی تەباتەباییان داوە، بەڵام هەر نەمردووە، لە جاری سێیەم دا ئیسرائیل توانیویانە بیکوژن.

ئەمەش بزانە: ئەمریکا بڕی پێنج ملیۆن دۆلاری بۆ هەر کەسێک تەرخان کردبوو کە زانیاری لەسەر تەباتەبایی بدات.