کەشناسێکی عێراق وادەی بارانبارین ئاشکرا دەکات

ئاڤا نیوز

شارەزایەکی کەشناسی عێراق ئاشکرای کرد، پێشبینی دەکرێت لە چەند ڕۆژی داهاتوودا بارانبارین بگەڕێتەوە بۆ شارەکانی عێراق، تەنانەت ئەگەری دروستبوونی لافاویش هەیە.

لێدوانی فەرمی: عەلی جابر زیادی شارەزای کەشناسی بە ئاڤا میدیای ڕاگەیاند: ڕۆژی سێشەممە بارانبارینێکی کەم دەستپێدەکات بە تایبەت لە ناوچەکانی ڕۆژئاوا و باکوور، هاوکات بارانەکە  لە فوڕاتی ناوەڕاست و باشوور کەمتر دەبێت. 


ئەو شارەزایە باسی لەوەشکرد: سەرەتای مانگی داهاتوو، بارانبارین دەستپێدەکاتەوە و پێشبینی دەکرێت ماوەی سێ ڕۆژ بارانی بەخوڕ ببارێت بەتایبەت لەناوچەکانی باکووری و ڕۆژهەڵات ئەگەری دروستبوونی لافاو هەیە. 

زانیاریی زیاتر: ئەو شارەزایە داوا دەکات، پێویستە خۆمان ئامادە بکەین چونکە "لە سێ مانگی داهاتوودا بارانی زۆر دەبارێت" و بە تایبەتی کە ئەگەری لافاو دروستبوون لە ناوچە جیاوازەکاندا هەیە.