نەتانیاهۆ: بۆ وەڵامدانەوەی حەماس پێویستمان بە ڕەزامەندی هیچ لایەک نییە

ئاڤا نیوز

سەرۆکوەزیرانی ئیسرائیل دەڵێت، وڵاتەکەی سەربەخۆ  بڕیار دەدات و بێ پشتبەستن بە هیچ لایەنێک کار دەکات، دەنگۆی ئەوەشی  ڕەت کردەوە کە بڕیارەکان لە واشنتنەوە دەربچن.

چیرۆکی سەرەکی: بنیامین نەتانیاهۆ، سەرۆکوەزیرانی ئیسرائیل لە کۆبوونەوەی هەفتانەی کابینەی حکومەتەکەی جەختی لەسەر پێشێلکارییەکانی ئاگربەست کردەوە و وتی ئیسرائیل بەردەوام دەبێت لە هێرشکردنە سەر حیزبوڵڵا لە لوبنان و حەماس لە غەززە.

ئەوەی پێویستە بیزانیت: ئەو لێدوانانەی نەتانیاهۆ لە کاتێکدایە کە سوپای ئیسرائیل هێرشی کردە سەر ئامانجەکانی حیزبوڵڵا و دوو ئەندامی گرووپەکەی بە فڕۆکەی بێفڕۆکەوان کوشتووە، بۆ ڕێگریکردن لە دووبارە بەهێزبوونەوەی حیزبوڵڵا، هاوکات نەتەنیاهۆ حەماسی تۆمەتبار کرد بە بەردەوامبوون لە پێشێلکردنی ئاگربەست و هەوڵدان بۆ تێپەڕاندنی سنوورەکان کە بە گوێرەی راگەیێنراوەکانی نووسینەگی نەتانیاهۆ پێنج بەرپرسی باڵای حەماس کوژارون.

زانیاریی زیاتر: نەتانیاهۆ ئەو قسانەی ڕەتکردەوە کە گوایە ئیسرائیل پێویستی بە ڕەزامەندی واشنتن یان هەر لایەنێکی دیکە هەیە بۆ بڕیارە سەربازییەکانی، جەختی لەسەر ئەوە کردەوە کە ئیسرائیل بەرپرسیارە لە ئاسایشی خۆی و سەربەخۆ بڕیار دەدات.