عەللاوی بۆ ئاڤا: ڕۆڵی سەرۆک بارزانی لە پێکهێنانی حکومەتی داهاتوودا سەرەکی دەبێت

ئاڤا نیوز

ئەیاد عەللاوی، سیاسەتمەداری دیار و سەرۆکوەزیرانی پێشووتری عێراق پێی وایە کێشەکانی عێراق لەلای سەرۆک مەسعود بارزانی چارەسەر دەکرێن، سەبارەت بەپێکهێنانی حکومەتی نوێی عێراقیش دەڵێت: " ڕۆڵی سەرۆک بارزانی لە پێکهێنانی حکومەتی داهاتوودا سەرەکی دەبێت ".

چیرۆکی سەرەکی: ئێوارەی یەکشەممەی ڕابردوو 23-11-2025، ئەیاد عەللاوی، سەرۆکی بزووتنەوەی ویفاقی نیشتمانی و سەرۆکوەزیرانی پێشووتری عێراق، گەیشتە هەولێر، بڕیارە لەم سەردانەیدا چەندین دیدار و کۆبوونەوەی گرنگ لەگەڵ بەرپرسانی باڵای هەرێمی کوردستان بکات.

لێدوانی تایبەت: ئەیاد عەللاوی، سەرۆکی بزووتنەوەی ویفاقی نیشتمانی و سەرۆکوەزیرانی پێشووتری عێراق بە کوردستان حەسەن پەیامنێری دبپلۆماسی ئاڤا میدیای ڕاگەیاند:  پێی وایە کێشەکانی عێراق لەلای سەرۆک مەسعود بارزانی چارەسەر دەکرێن و یەکلادەبنەوە. 

زانیاریی زیاتر: سەبارەت بەپێکهێنانی حکومەتی نوێی عێراقیش عەڵلاوی گوتی " ڕۆڵی سەرۆک بارزانی لە پێکهێنانی حکومەتی داهاتوودا سەرەکی دەبێت ".

ئەمەش بزانە: ئەیاد عەللاوی بەو پێیەی بزووتنەوەکەی لەچوارچێوەی هاوپەیمانییەتییەکەی سوودانی بەشداری هەڵبژاردنی پەرلەمانی عێراقی کرد ئاشکرای کرد،  کاندیدیان وەک لیستی ئاوەدان کردنەوە و گەشەپێدان بۆ پۆستی سەرۆکوەزیران تا ئێستا بە تەنیا سوودانییە.