یەكێتی لەبارەی پێكهێنانی حكومەت لە كۆبوونەوەدایە

ئاڤا نیوز

دوای هەڵبژاردنی خولی شەشەمی عێراق، مەکتەب سیاسی یەکێتیی نیشتمانی کوردستان یەکەم کۆبوونەوەی خۆی بە سەرپەشتی بافڵ جەلال تاڵەبانی ئەنجام دەدات و گفتوگۆ لەسەر سێ تەوەری جیاواز دەکرێت. 

زانیاریی بەدەستهاتوو: مەكتەبی سیاسی یەكێتیی نیشتیمانی کوردستان لە دەباشان بەسەرپەرشتی بافڵ تاڵەبانی لە كۆبوونەوەدایە، لەدوای هەڵبژاردنی خولی شەشەمی پەرلەمانی عێراقەوە یەكەمجارە مەكتەبی سیاسی یەكێتیی كۆدەبێتەوە.

ئەوەی لەبارەیەوە دەگوترێت: بەپێی قسەی میدیاكانی یەكێتیی؛ مەكتەبی سیاسی یەكێتیی لەسەر سێ تەوەر گفتوگۆ دەكات: 

یەکەم: ئەنجامی هەڵبژاردنی 11/11ی ئەمساڵی پەرلەمانی عێراق.

دووەم: پرسی پێكهێنانی حكومەت لە عێراق و بەشداری كورد بە كۆدەنگ، یان هەر لایەنە و بە جیا، هاوکات تاوتوێی پرسی هەڵبژاردنی پۆستی سەرۆككۆمار دەکرێت.

سێیەم: پرسی پێكهێنانی كابینەی دەیەمی حكومەتی هەرێمی كوردستان.