سوودانی بەدواداچوون بۆ مەرج و تێبینییەکانی پارتی دەکات

ئاڤا نیوز

سەرۆکوەزیرانی عێراق و سەرۆکی کۆمسیۆنی هەڵبژاردن کۆبوونەوە، هەڵبژاردنی خولی شەشەمی پەرلەمان تاوتوێکرا، سوودانی بەدواداچوون بۆ مەرج و تێبینییەكانی پارتی لەبارەی هەڵبژاردن دەكات.

لێدوانی فەرمی: "پرسی سەرەکی کۆبوونەوەی نێوان سەرۆکوەزیرانی عێراق و سەرۆکی کۆمیسیۆن، هەڵبژاردنی پەرلەمانی کوردستان بوو، هەروەها  پێداچوونەوە بە هەوڵ و ڕێکارەکانی کۆمسیۆن سەبارەت بەو پڕۆسەیە کرا." عیماد جەمیل، سەرۆکی تیمی ڕاگەیاندنی کۆمیسیۆنی باڵای سەربەخۆی هەڵبژاردنەکانی عێراق ئەوەی بە ئاڤا نیوز گوت.

وێنە گەورەکە: بەشێکی زۆری لایەنە سیاسییەکان ژمارەی لیستیان وەرگرتووە، بەڵام ناڕەزایی پارتی لە پڕۆسەی هەڵبژاردنی پەرلەمانی كوردستان كە بڕیاردراوە 10-6-2024 بەڕێوەبچێت، بەرپرسانی باڵای عێراقی ‌هێناوەتە سەر هێڵ  و  لە گفتوگۆی ئەوەدان بەشێک لە داواکارییەکانی پارتی سەبارەت بە هەڵبژاردن جێبەجێ بکەن.

باکگراوند: ڕۆژی یەکشەممە شاندێکی پارتی لە کۆبوونەوەیان لەگەڵ یونامی، ئامادەیی حیزبەکەیان بۆ هەڵبژاردنی پەرلەمانی کوردستان دووپات کردەوە، بەڵام بەو مەرجەی هەڵبژاردنەکە دوور بێت لە دیزاینی پێشوەختە.