شاخەوان عەبدوڵڵا: نزیكین لە یەكلاكردنەوەی پۆستی پارێزگاری كەركووک

ئاڤا نیوز 

 

جێگری دووەمی سەرۆکی ئەنجوومەنی نوێنەرانی عێراق دەڵێت، پێشڤەچوون لە گفتوگۆکانمان لەگەڵ پێکهاتەکانی عەرەب و تورکمان هەیە.

 

وێنە گەورەکە: گفتوگۆ و دانیشتنی لایەنەکان بۆ یەکلاکردنەوەی پۆستی پارێزگاری کەرکووک بەردەوامن و نزیکبوونەوە لەنێوان لایەنەکاندا هەیە، چاوەڕوان دەکرێت دوای جەژن هەنگاوی ئەرێنی بە ئاراستەی چارەسەری کێشەکان بنرێت.

 

لێدوانی فەرمی: شاخەوان عەبدوڵڵا، جێگری دووەمی سەرۆکی ئەنجوومەنی نوێنەرانی عێراق بە ئاڤا نیوزی ڕاگەیاند، "دوێنێ لەگەڵ پێكهاتەکانی عەرەب و توركمان گفتوگۆمان کرد، زۆر نزیكین لەچارەسەر و یەكلاییكردنەوەی پۆستی پارێزگاری كەركووک."

 

هۆکارە زانراوەکان: دۆخی کەرکووک هەستیارە، هەوڵدەدەین هەموو لایەنەکان لە پێکهێنانی حکومەتی خۆجێی بەشداربن، بۆیەش پڕۆسەکە دواکەوتووە. شاخەوان عەبدوڵڵا، جێگری دووەمی سەرۆکی ئەنجوومەنی نوێنەرانی عێراق ئەوەشی گوت.

 

ئەوەی پێویستە بیزانیت: نزیکەی 100 ڕۆژە هەڵبژاردنی ئەنجوومەنی پارێزگای کەرکووک کراوە، بەهۆی ڕێکنەکەوتنی لایەنەکان دانیشتنی ئەنجوومەنی پارێزگا بۆ دەنگدان لەسەر پارێزگار، جێگرانی، سەرۆکی ئەنجوومەن و جێگرانی نەکراوە.