شایستەی دارایی بۆ دەرچووانی بەرنامەی تواناسازی خەرج دەکرێت

ئاڤا نیوز

وەزارەتی خوێندنی باڵا و توێژینەوەی زانستی حکومەتی هەرێمی کوردستان ڕایگەیاند، نزیکەی نیو ملیۆن دۆلار شایستەی دارایی بۆ دەرچووانی بەرنامەی تواناسازی خەرج دەکرێت.

ڕاگەیێنراوی فەرمی: ئێوارەی ئەمڕۆ 29-11-2025، وەزارەتی خوێندنی باڵا و توێژینەوەی زانستی حکومەتی هەرێمی کوردستان ڕایگەیاند: پاڵپشت بە نووسروای سەرۆکایەتى ئەنجوومەنی وەزیران و بە بڕیاری وەزیری خوێندنی باڵا بڕی 442 هەزار و 514 دۆلار، بۆ 42 دەرچووی بەرنامەی تواناسازی خەرج دەکرێت.

زانیاریی زیاتر: بەگوێرەی ڕاگەیێنراوەکە، دەرچووانی تواناسازی دەتوانن لە ڕۆژی دووشەممە 1-12-2025، بۆ وەرگرتنی چەکی پارەی شایستە داراییەکانیان سەردانی دیوانی وەزارەتی خوێندنی باڵا و بەڕێوەبەرایەتی تواناسازی بکەن.

ئەوەی پێویستە بیزانیت: هەر دەرچوویەکی تواناسازی پێویستە پاسپۆر (ئەسڵ و کۆپی) لەگەڵ خۆی ببات، ئەگەر بریکارەکەشی ئامادەبوو، ئەوا پێویستە پاسپۆرت (ئەسڵ و کۆپی) کاندەیدەکە لەگەڵ پاسپۆرتی (ئەسڵ و کۆپی)ی لەگەڵ خۆی بباتە وەزارەتی خوێندنی باڵا.

ئەمەش بزانە: ناوی دەرچووانی تواناسازی لەم لینکەی خوارەوە دەتوانن وەربگرن.