ئاڤای خەڵک؛ لە سلێمانی بە هۆی چاڵێکەوە چەند جارێک ڕووداوی هاتووچۆ ڕوویداوە

ئاڤا نیوز

لە گەڕەکی سەروەری لە سلێمانی، لە نزیک بەڕێوەبەرایەتیی هاتووچۆ شەش مانگە، چوار ڕیانێکی سەرەکی بۆ گۆڕینی قفڵێکی ئاو تێکدراوە و تاوەکو ئێستا چاکنەکراوەتەوە.

بەدواداچوونی ئاڤا: دانیشتووانی ئەو گوندە دەڵێن؛ ماوەیەکی زۆرە لە چوار ڕیانەکەدا چاڵێکی گەورە هەڵکەنرابوو، چەند سەیارەیەکیش کەوتنە ناوی و چەند جارێکیش ڕووداوی هاتووچۆ بەهۆیەوە ڕوویداوە.

- ئێستا چاڵەکە پڕکراوەتەوە بەڵام بە تەواونەکراوی جێهێڵڕاوە، شوێنی چاڵەکە قیرنەکراوە و سەری مەنهۆڵەکان هیشتا بەدەرەوەن و مەترسیدارە.

لێدوانی فەرمی: زەردەشت ڕەفیق، وتەبێژی شارەوانی سلێمانی دەڵێت، پێشتر گۆڕینی قفڵەکە تەواو نەکرابوو، ئێستا کە ئامادەیە بۆ قیرکردن بەدواداچوونی بۆ دەکەین و قیری بۆ دابین دەکەین و شەقامەکە بەرووی شۆفێراندا دەکەینەوە.