بە ئامادەبوونی سەرۆک بارزانی یەکەم پێشانگای نێودەوڵەتیی کتێب لە زاخۆ کرایەوە

ئاڤا نیوز

 

بە ئامادەبوونی سەرۆک بارزانی، یەکەم پیشانگای نێودەوڵەتیی کتێب لە زاخۆ کرایەوە و ماوەی شەش ڕۆژ بەردەوام بێت.

 

چیرۆکی سەرەکی: ئەمڕۆ یەکشەممە، یەکەمین پێشانگای نێودەوڵەتیی کتێب لە زاخۆ بە ناونیشانی "زاخۆ دەخوێنێتەوە" کرایەوە، پێشانگاکە زیاتر لە 20 هەزار ناونیشانی کتێب لەخۆدەگرێت.

 

لێدوانی فەرمی: کۆڤان حوسێن، سەرپەرشتیاری پێشانگای نێودەوڵەتیی کتێب بە ئاڤا میدیای گوت، بە بەشداریی زیاتر لە 50 دەزگای چاپ و بڵاوکردنەوەی ناوخۆیی و بیانی لە 10 وڵات، بەشداری پێشانگاکەیان کردووە، دەزگاکانی چاپ لە هەر چوار پارچەی کوردستان و وڵاتانی تورکیا، سووریا، ئێران، کوێت، میسر، ئیمارات و پارێزگاکانی عێراق بەشداریی پێشانگەکە دەبن.

 

لە لایەکی دیکەوە: دڵخواز موسا، بەڕێوەبەری ڕۆشنبیریی و هونەری لە ئیدارەی سەربەخۆی زاخۆ، کە یەکێکە لە سەرپەرشتیارانی پێشانگاکە، بە ئاڤا میدیای گوت: لە هەر شەش ڕۆژی پێشانگاکەدا چەندین بڕگە و چالاکی ڕۆشنبیری، ئەدەبی، هونەری و فەرهەنگی، وەک دیدار  پانێل و وۆرک شۆپ ئەنجام دەدرێن.

 

زانیاریی زیاتر: ڕۆژانە کاتژمێر 10ـی بەیانی تاوەکو کاتژمێر 6ــی ئێوارە دەرگای پێشانگاکە بەڕووی خوێنەر و کڕیاران دەکرێتەوە و داشكاندن لە نرخی کتێبەکانیش دەکرێت.