شەپۆلێكی بارانبارین ڕوو لە هەرێمی کوردستان دەکات

ئاڤا نیوز

بەگوێرەی پێشبینییەکانی پێشکەشکاری کەشوهەوای ئاڤا، لە سبەی یەکشەممەوە شەپۆلێکی بارانبارین و سەرما ڕوو لە چەند ناوچەیەکی هەرێمی کوردستان دەکات. 

وێنە گەورەکە: ئەمساڵ بە هۆی کەمبارانی بەشێكی زۆری بیر و کانییەکان وشکبوون و بەنداوەکانی هەرێمی کوردستان تاوەکو ئاستێکی پێوانەی ئاوی کۆگا کراویان تێدا کەمیکردووە، هاووڵاتییانی هەرێمی کوردستان بە پەرۆشییەوە چاوەڕوان ئەمساڵ دابارین قەرەبووی کەمئاوییان بۆ بکاتەوە.

لێدوانی فەرمی: شێخ دارا شارەزای کەشناسی و پێشکەشکاری کەشوهەوای ئاڤا لە گەشتی هەواڵەکانی کاتژمێر حەوت ڕایگەیاند:  دوو شەپۆلی جیاوازی بارانبارین ڕوو لە هەرێمی کوردستان دەکات، ڕۆژی یەکشەممە شەپۆلێکی بارانبارینی کەم ڕوو لە ناوچەکانی دەورووبەری دهۆک، سلێمانی، زاخۆ، شەنگال دەگرێتەوە. 

لەلایەکی دیکەوە: دەستەی کەشناسی عێراق ڕایگەیاند: ئەم شەپۆلە بارانبارینە پارێزگاکانی نەینەوا، بەغدا، سەڵاحەددین و ئەنبار دەگرێتەوە.